أزاى أنضف فرش ألوان الزيت؟!

 فرش ألوان الزيت غالية و مكلفة و هي أهم حاجة في الأدوات. و عشان كدة هعلمك ازاى تنضف فرشك عشان تفضل نضيفة و تعيش معاك عمر طويل.

الفرش الغالية بتعيش عمر طويل في حالة انك محافظ عليها. بس لازم تكون حريص في التنظيف عشان متبوظش الفرشة بطريقة تنظيف غلط.

أولا: نبدأ بطريقة التنظيف السهلة اللي هتستعملها فى حاله أنك بتستخدم فرشك بأستمرار.

أن شاء الله لو أتبعت الخطوات دي فرشك مش هتوصل للمرحلة  دى :D 

 أزاى تنظف فرش الرسم - بطرقة سهلة:

أنك لازم تنظف فرش الأسنان بعد كل مرة ترسم فيها ممكن تعتبر حاجة مزعجة و خصوصاً لو بترسم كتير بشكل منتظم.

لو أنت ناوى ترسم تاني في الأيام القليلة اللي جاية ، ممكن تعمل الخطوات دي عشان تنظف الفرش:

أمسح الفرش عشان تشيل منها الألوان الزيادة اللي ماسكة في شعر الفرشة، بس مش لازم تشيل كل الألوان الزيادة ده مش ضرورى في الخطوة دى.

• نظف شعر الفرشة  بقطعة قماش "يفضل تبقي قطن"؛ و مش لازم تشيل كل الألوان الزيادة الباقية علي الفرشة. 
• أنقع الفرش في زيت بينشف ببطأ زى مثلا  Winsor & Newton Safflower Oil أو زيت بذور الخشخاش. و لو مش متوفرين ممكن تستخدم زيت بذر الكتان و لكن ده بينشف بسرعة بعكس الاتنين التانيين.
• و بعدين سيب الفرش تنشف علي drying rack، و دى أفكار ممكن تصنعه بيها بنفسك في البيت :
  
  

المرة الجاية لما تيجي ترسم تاني كل اللي عليك تعمله أنه تنظف الفرشة بقطعة قماش بس.

و بالنسبة للألوان الزيادة اللي باقيه في شعر الفرشة من المرة اللي فاتت. عي مش هتكون كتير لدرجه أنها تغير من درجة اللون اللي بترسم بيه. ( ماعدا لو أنت عايز ترسم بلون نقي جدا زي ما هو خارج من الأنبوبة بالضبط، ساعتها هتكون محتاج تنظف الفرشة كويس جدا).

الطريقة دى هتكون مناسبه بس لو أنت هتستخدم الفرش فالأيام اللي جاية تاني. بس لو مرسمتش تاني في الأيام اللي جاية ، فأنت هتكون محتاج تنظف بطريقه أقوى و أعمق، عشان في الأخر الألوان اللي باقيه علي الفرشة هتنشف و تنبقي ناشفه و تبوظ الفرشة.

أزاى تنظف فرش الرسم - الطريقة العميقة:

لو مش هتستخدم فرش الألوان تاني في الأيام القليلة اللي جاية، هتحتاج تنظفهم كويس و بعمق بعد ما تخلص رسم.

الأدوات اللي هتحتاجها:

1. ورق مناديل/ ورق جرايد/ قطعة قماش.
2. تربنتين أو أي مخفف لألوان الزيت.
3. صابون يد (قالب)
4. أكواب قديمة
5. جوانتي (أختيارى)

يجب تجنب:

1. مسحوق الغسيل.
2. مستحضرات إزالة الطلاء و الألوان.
3. wire paint combe (بالصورة)
   

الخطوة 1: تخلص من الألوان التي علي الفرشة بقدر المستطاع.

الخطوة الأولى هي التخلص من الألوان الزائدة بقدر المستطاع. أولا ضع القليل من التربنتين (أو أى مخفف لألاون الزيت) في كوب أو برطمان وأغمس فيه فرشة الألوان براحة، ثم قم بمسح الفرشة بقطعة قماش أو ورق مناديل أو ورق جرائد.( و أنا أفضل قطعة القماش.)

بعد تنظيف الفرشة بالقماش، أشطف الفرش بماء فاتر و كرر العملية السابقه حتي يتم أزاله معظم الألوان.

مش لازم تشيل اللون كله في الخطوة دي، و لكن شيل معظمة.

الخطوة 2: أزيل اللون الباقي.

للأسف معظم الناس هتقف بعد الخطوة الأولى عشان فاكرين أنهم كده شالوا الألوان كلها. بالرغم من أن بعد الخطوة الأولى مازال في ألوان كتير في الفرشة مع أنها ممكن تكون مش متشافه و مش باينة.

الألوان هتكون مستقرة جوة الفرشة و لو نشفت ساعتها شعر الفرشة بينشف و بيبقي جامد و مش هينفع يستخدم.

أولا، أغمس الفرشة في التربنتين  (أو أى مخفف لألاون الزيت). و بعدين خد كل فرشة لوحدها و مشيها علي قالب الصابون، ده هيخلي الصابون يتغلغل جوة الفرشة، و المفروض هتشوف أثر الألوان اللى كانت مستخبيه جوة علي الصابونة.

بس خلي بالك و أنت بتمشي الفرشة علي الصابونة أنك مش بتزق شعر الفرشة في الصابونة عشان ده ممكن يبوظ الفرشة، و لكن بالعكس أنت بتسحب الفرشه من علي الصابونة.

أغمس الفرش في مياه فاتره و كرر العمليه السابقه لحد ما متلقيش أثر ألوان علي الصابونة.

لو كنت أستخدمت ألوان قوية زى الأحمر الغامق أو الأزرق ساعتها ممكن تحتاج تستخدم (منظف لفرش ألوان الزيت) و ده بيكون منظف متخصص للفرش (Chroma Brush Cleaner).

الخطوة 3: أترك الفرش لتجف.

دلوقتي الفرش نظيفة، و لذلك أترك الفرش مقلوبة و معلقه في حامل فرش و لكن تأكد من أن شعر الفرشه منظم و موضوع بالشكل الصحيح لها. و متسبش الفرشة و شعرها يكون محشور في حاجه أو حاجة دايسه علية عشان ده ممكن يسبب تغيير دائم لشكل الفرشة.

أزاى تنضف الفرش منغير أستخدام التربنتين.

بعض الناس عندها حساسية من التربنتين، و بعض الناس مجرد أنهم مش بيحبوا رحته و عشان كده في طريقه تانيه للتنظيف منغير التربنتين و هي أستبدالة بزيت بذر الكتان، و تكمله بقيت كل الخطوات السابقه عادى. 

و ممكن كمان تستخدم  (منظف لفرش ألوان الزيت) لأزاله الألوان الصعبة.

الطريقة دى هتاخد وقت أطول للتنظيف، و لكن هي ممكنه. العمليه نفسها بالضبط زي العمليه السابقه و لكنها هتحتاج منك بس أنك تشطف و تكرر العمليه مرات أكثر من الطريقه التي يتم فيها أستخدام التربنتين.

طرق تانية عشان تنضف بيها فرش الألوان - و لكنها محتاجة تدريب.

• أسحب - لا تدفع- الفرشة علي الكنفاه. عشان لو دوست بالفرشه علي الكنفاه هتتنى و تبوظ الفرش. أكيد ساعات بتكون محتاج تدوس علي الفرشة عشان تحصل علي تأثير معين في الرسم، و لكن حاول تتجنب الموضوع ده بقدر المستطاع، و حاول دايما تستخدم السحب.
• متسبش فرشك أبدا مهملة كده أكثر من يوم، عشان الألوان هتنشف عليها و تبوظ شعر الفرشة.
• لو عايز ترسم علي سطح خشن، أستخدم فرشك القديمة اللي تأكلت خلاص، عشان لو أستخدمت فرشك الجديدة ده هيخلي الفرش تتاكل. دايما سيب فرشك القيمه و الغاليه عشان تعرف ترسم بيها التفاصيل الدقيقة في رسوماتك.
• أحيانا بيكون ممكن تدمر فرشتك في سبيل أنك تحصل علي لوحة حلوة، أيه الفايدة من أن فرشك تفضل حلوة و جديدة و لكن مفيش رسومات حلوة و ممتازة أنت بترسمها.

الملخص:

لو أتبعت الخطوات دي في تنظيف فرش ألوانك، ساعتها فرشك هتعيش عمر طويل و هتفضل بحالة كويسة.

و أفتكر دايما أن في لحظه ممكن فرشتك تدمر بسبب غلطة بسيطة منك. لو الألوان نشفت علي الفرشة ممكن تعالجها لحد ما و لكن هيفضل دايمتا في ضرر موجود.

و لكن حتي الفرش البايظه المفروض يكون ليها مكان في أدواتك، بحيث أنك ممكن تستخدمهم في الأساليب اللي بتكون محتاجه عنف في أستخدام فرشه الألوان، و بالتالي هتبوظ فرشك السليمة.

شكرا علي قرائتك للمقال و أتمني تكون أستفدت.

المعلومات اللي في المقال ده متاخده من مقال مكتوب باللغه الأنجليزية و تم عليه بعض التعديلات. https://drawpaintacademy.com/how-to-clean-oil-paint-brushes/

لو عجبك المقال يا ريت تنشرة و قولي رأيك فيه في صندوق التعليقات.

ممكن برضو يعجبك :
كل اللي يخص فرش الرسم. Artist Paint Brushes – The Ultimate Guide