كل اللي يخص فرش الرسم. Artist Paint Brushes – The Ultimate Guide

فرشة الرسم هي عباره عن أيدتانية للفنان، و لكن مع أختلاف أنواع الفرش المختلفة ده ممكن يخلي فيه لغبطه عند الفنان أنه مش عارف يستخدم أنهي فرشة و ده بيخلي الموضوع أصعب مش أسهل.

النهاردة هنتكلم عن الأنواع المختلفه لفرش الألوان:

مبدأيا كده فرش ألوان المايه مختلفة عن ألوان الزيت و مختلفة عن ألوان الأكريليك.

1- فرش ألوان المايه:

بتكون قصيره عشان يبقي سهل تتمسك بالأيد و الشعر بتاعها ناعم و كثيف عشان يمتص المياه و اللون بكمية كبيرة، و دي تنظيفها بيكون سهل. 

2- فرش ألوان الزيت:

دي بقي بيكون ليها مقبض طويل و ده عشان الألوان متوسخش أيدك أو اللوحة، و بيكون ليها ملمس خشن عشان تتحمل اللون السميك بتاع ألوان الزيت. و تنظيف الفرش دي مش سهل و بيكون بالتربنتين و الصابون و تكرار النقع .. ممكن تعرف أزاي تنظفهم من هنا.

3- فرش الألوان الأكريليك:

الفرق بينها و بين فرش ألوان الزيت مش كبير أوى. المقبد بتاعها متوسط الحجم عشان يكون سهل التحكم فيها و مسكها، و شعرها ناعم و يوجد منها عدة أنواع عشان تناسب طريقة الرسم. فمثلا لو الرسم كان ليه طابع واقعى فبيكون أختيار الفرش الناعمه هو الأختيار المناسب. أما لو كان رسم تجريدي و عناصر فيها ألوان كتير فبيكون أختيار الفرش الخشنة هى المناسبه لتظهر سطح بارز.

في النهاية الفنان ممكن يستخدم أي فرشه مع أي نوع ألوان، كل فنان حسب راحته في أستخدام نوع معين و ده عشان يوصل الأحساس بتاع اللوحة.

أجزاء فرشة الألوان:

أنواع شعر الفرش:

فرش الألوان ليها كذا نوع من الشع، و ده اللي بيحدد الفرشه دي تستخدم في أيه، زي ما ذكرت قبل كدة.

في أنواع فرش من شعر الحيوانات و في فرش بشعيرات صناعية.

الفرش الطبيعيه اللي من شعيرات الحيوانات بتكون غالية و لكن بتدى نتائج ممتازة أفضل من الفرش الصناعية طبعا.

و الفرش الصناعية طبعا أرخص، و لكن نصيحة بلاش تشترى فرش رخيصة جدا لأنها مش هتستحمل و هتبوظ علي طول.

أشكال فرش الرسم:

• الفرشة دائرية الأطراف Filbert brushes:
  الفرشة دي بتتميز أنها حاجه وسط بين الفرشة الدائرية و المسطحة. بتستخدم في العناصر اللي ليها أطراف منحنية زي
  الغيوم و الأصابع مثلا.

• الفرشة المستديرة Round brushes:بتكون نهايتها رفيعه و دي بتستخدم في التاتشات الطويله و السميكه و رسم التفاصيل.
  و الفرشات المستديرة اللي ليها شعر دقيق جدا ممكن تستخدم في رسم التفاصيل الصغيرة جدا.

• الفرشة المسطحة Flat brushes:ليها نهاية مسطحة و بتستخدم في عمل التاتشات السميكة أو الخطوط الرفيعة. و تستخدم بشكل مثالي في ملأ الأشكال ذات اللون الواحد. كما أن الحجم الكبير بيستخدم في ملئ السحاب و البحار، و الحجم الصغير بيستخدم لتلوين المساحات الضيقه مثل جذوع الأشجار و الورد.
  
  

• الفرشة كبيرة الحجم:
  تستخدم في دهن المساحات الكبيره او في دهن الخلفيه بلون واحد أو بدهن مادة الgesso  لتغطية مسامات اللوحة لتصبح جاهزة للرسم.
  

• الفرشة طويلة الوبر:

  تستخدم غالبا في توقيع الرسام علي اللوحة أو رسم التفاصيل الدقيقة جدا، لأنها تعطي تفاصيل دقيقة جدا و حجم صغير زى القلم.
  
  

• فرشة الزاوية (المنحنية) Angular brushes:
  الفرشة دي منحنية بزاوية و بتستخدم في رسم الأنحناءات و التعرجات او الميلان زي مثلا الجبال و الأعشاب و أسقف البيوت.
  

• الفرشة المروحةFan brushes:
  و هي فرشة تخصص، ليها أستخدامات كتير زى مثلا رسم أوراق الأشجار او أضافه ملمس للزرع أو الصخور، و مش بس دى أستخداماتها، لا ممكن تستخدم في أى وقت محتاج نشر الألوان بشكل واسع.
  

أحجام فرش الألوان:

مفيش مقاس ثابت standard لفرش الرسم و عشان كده الأفضل أنك تختار ماركه معينه و تعرف أرقمها عشان الأرقام بتختلف من ماركة للتانية.

و من المهم أنه يكون عندك فرش كبيره و متوسطه و صغيرة.

و من الأفضل أستخدام الفرش الكبيره، عشان:

1. الفرش الكبيره بتخلي أستخدامك للألوان أقتصادى، عان كول ضربة فرشه هيكون فيها أستخدام و أستغلال كبير لجزأ كبير من الألوان.
2. بأستخدام الفرش الصغيرة، ده بيخليك تركز علي التفاصيل الصغيره و بتهمل المنظر العام للوحة.
3. الفرش الكبيرة بتحافظ علي الوقت جدا.

السؤال دلوقتى، أنهي فرشة ألوان أنا محتاج أستخدمها؟ و أنهي أحسن؟

• لتلوين الخلفيه أو لصبغ التوال، أستخد الفرشة الكبيره المسطحة أو دائرية الأطراف الكبيرة.
• لرسم التكوين، أستخدم الفرشه المستديرة المتوسطة أو حتي الفرشة المروحة في بعض الأحيان لو عايز منظر طبيعي خشن (rough landscape).
• لتلوين الأشكال المغلقة و المحددة ( مثلا دائره لها لون واحد) ، أستخدم الفرشة مستديره الأطراف المتوسطة أو الكبيرة، و يمكن أستخدام الفرشة المسطحه لو الشكل ليه زوايا.
• لإضافه التفاصيل، أستخدم الفرشه مستديرة الأطراف او الفرشة المستديرة، و ممكن كمان تستخدم الفرشة المروحة في بعض المواقف زي مثلا رسم أوراق الشجر او الزرع او الماء.
• لأمضاء اللوحه، ممكن تستخدم الفرشه المستديره الصغيره جدا اوالفرشة طويله الوبر. 

مجموعات فرش الألوان:

لو كنت لسه مبتدأ في الرسم أو عايز مجموعه زياده من الفرش، فممكن تشترى مجموعة من الفرش. و دى هتديك مجموعة كبيره و مختلفة من فرش الألوان و اللى هتساعدك في الرسم. و لكن عشان تاخد حجوده أعلي فالأحسن أنك تشترى كل فرشه لوحدها.

تخزين الفرش:

مهم جدا أنك تخلي كل فرشك في مكان واحد و منظم، و إلا هيضيعوا و يبوظوا، ممكن تستخدم حامل فرش  simple brush container او ممكن تستخدم مج قديم ببساطة.

الحفاظ و رعاية الفرش:

للحفاظ علي الفرش فتره أطول و الحصول علي عمر أطول يجب الحفاظ عليهم من التلف و تنظفهم جيدا. ممكن تعرف أزاى من هنا.

شكرا جدا لقرائتكم. يا ريت لو عجبكم المقال تقولولي رأيكم ايه و قولولي حابين أتكلم عن أيه تاني.

و شير المقال مع كل الناس اللي عارفين أنهم بيحبوا الرسم.

Refrence: https://drawpaintacademy.com/artist-paint-brushes/